.......
مساءكم سكر :
. . . فقط حتى لايعتقد البعض بغيابي الأبدي . . هنا أخر ماكتبت على لسان أنثى لاتتكرر أبدا :
.
.
.
(1)
شوف لي حل بغرامك !!
ياتقاسمني السهر . .
ياأقاسمك بمنامك !!
إما تسهر أو أنام !!
أو بلاش من الغرام !!
وآنا ياأغلى الأنام !!
نقطة في بحر إهتمامك !!
( 2)
يابعيد ٍ عن عيوني ..!!
بس من قلبي قريب ..!!
عنك ماغابت شجوني ..!!
كثر ماإنته تغيب ..!!
باقي بقلبي وساكن !!
شمعة بكل الأماكن !!
كم تمنيتك ولكن !!
الأماني ماتصيب ..!!
( 3)
غبت وأتعبني غيابك !!
وإنتظرتك مارجعت !!
ضاع عمري عند بابك !!
وأنا مثله منك ضعت !!
ماتت البسمه بفمّي ..!!
وإبتدا حزني وهمي ..!!
ليتك إنته إبن عمي !!
كان بأحزاني سمعت !!
( 4)
من سنه وأنا أتخيّل ..!!
فرحتي ليلة زفافي ..!!
أدري بحظي منيّل ..!!
والحزن للقلب وافي ..!!
هذي شمعة وإنطفت ..!!
من سنين اللي وفت ..!!
ورغم هذا ماإكتفت ..!!
لو يقول الشوق كافي ..!!