السلام عليكم
جديد الآن ...
بقلم / فواز محسن الزويهري الحربي
*:*:**:*:*::*:*:؛؛؛؛؛؛؛؛؛*:*:**:*:*:*:*:
أسمع جديد القول واترك قديمة
حاضر بحاضر والمعاني فريدة
الشعر له مقدار محفوظ قيمة
وأهون عليَّه يوم أغني قصيدة
تدري ويش الكايد .. وكرب الخصيمة
لاجبت حرفي عند قاري جريدة
يتصفح العنوان صفوه وغيمه
ويترك تفاصيل المعاني الوقيده
ويحكم على القيفان جهل وظليمه
وليا سألت العلم يقطع وريده
أكتب بيوت العشق وأخرى حكيمه
وألعب صفا وأبدع فزيد ليزيده
وأطب بحر الموت وأجلب غنيمه
يومن غيري طب وأصبح لحيده
والنقص حاشا الحال مني غريمه
لجلي عن الناقص فرفعه بعيده
وأكثر حسوس القلب وساس العزيمه
ماقف لربعي والمواقف مجيدة
من دونهم بذل العَمَار الكريمه
ومن دونهم فتل الحروف السديده
والخصم بالقيفان يمسي بوسيمه
يعرف بها بين العرب في مديده
وليا طربت أبدع لقلبي واهيمه
والاعب الريم العريبي واصيده
اللي عيونه تجرح أهل الشكيمه
واللي لجيده كل بقعا فقيده
رسمت لهل الفن لوحة ... لريمه
وغنيت لهل الود بيت ونشيده
الشعر يهل الشعر قيمه وشيمه
والبارع اللي صاغ فكره شريده
🌿🌿🌿🌿🌿🌿🌿🌿🌿