لعل يسمح لي الشاعر فايز البشري بمجاراتة على القصيدة ( ما ضاع للحربي ولا حق مسلوب)
صَـدَقْ صـدق ما قالهـا للمنافـع
ان كل حربـي في الملازيم مهيـوب
بين القبايـل هامـة الـراس رافـع
رجّالهم يقـدم على كُـل ماجوب
وان واجهه خصمن على الوجه صافع
اهل الشدايد يوم طالب و مطلوب
و اهل السيوف البارعة و النوافع
و اللي يعاديهم على طول مرعوب
لو جابوا الف امحامين له يرافـع
يُحْكَم عليه وفي الغَدي صار مصلوب
ابليـس زوّد لـه في النفـس دافـع
مـشّـاه في دربـن ولا هـو بمرغوب
و الحمد لك يا رب ذا الكون نافـع
خيرك على خلقك على طول مسكوب