سعودية=
خساره اللي بوده بـاح=وكنت احسبنّه لنا شاري
واليوم وده تلاشى وراح=ولا عاد نسمع لهم طاري
ابوجابر=
مالك بذاك الذي مزاح=اللي لشرواك مايداري
الـود تآلـف الأرواح=اللي على منهج الباري
سعودية=
فاتتك يالشاعر اللمـاح=منته بمغزى البنا داري
منهاجنا الشرع للايضاح=ما عنه قدّ ميّل جـداري
ابوجابر=
ما أمتلك مشرط الجـراح=ولاني لذم الخوي ضـاري
حسب الذي في حروفك لاح=ابصم على الخط وآمـاري
سعودية=
ياعد راهي مهوضحضاح=وردك على غير مصداري
واللي بحسن النوايا شاح=لا يسري الليل ياسـاري
ابوجابر=
لقيـت منـك الأدب فـواح=وحرفك جزل يغري الشاري
ومن بعد بان العفاف وشاح=عليك .. با آغير أفكـاري
سعودية=
زود الأدب في يديّ سلاح=يشهد لنا الغرب والجاري
والفكر لا بد له اصـلاح=والعذر ما يعيب الأخياري