ملتقى قبيلة حرب الرسمي - عرض مشاركة واحدة - ديوآن/ قصآئد الشآعر : سيف سمير الهويملي

.

غرابيل بقعى

ياأبـو مهلهـل ياعشـيـر النشـامـا
............قلبي تقول بثومتـه غاسـق افعـى
من واحدٍ ممشـاه مشـي الحمامـا
............والارض تقل تهوس لاقام يسعى
بأسلابه إليا اقفـى يصيـر ابترامـا
............ولـيـلٍ حلـيـكٍ للـردايـف توشـعـى
ولأقبـل اثنيـنٍ يالسنـافـي اتـوامـا
............مشلّـعـات الـبـز بالـتـرف شلـعـى
مـن فوقهـن ياثيـب بـدر التمـامـا
............والعين عين الحر والعنف . تلعى
قـال الـوداع وراح روحـة كـرامـا
............والعين هلّت واروت الخـد دمعـى
خضر الفياض تصير بكره رماما
............وناسٍ صحاح تكون بالغد وجعى
ونـاسٍ تـفـرق بـعـد حــبٍ ولامــا
............وهـذي تراهـا مـن غرايـب بقعـى
..