انا علاجي شوف جرد الصحاري
قبل الشتاء والقيض مقفي حسابه
تو المطر مالي جميع الخباري
وتشوف بالمنشا نواشي سحابه
وقبل الظهر قدام وقت العصاري
عم الديار جبالها والشعابه
مافرقت نوه هبوب الذواري
سبحان خلاقه عظيم المهابه
قدام ماتجري علي الجواري
وتركز على قبري طويل النصابه
ابغى اتونس مع وسيع البراري
وعيد للقلب المولع شبابه
قدام ماسكن في هذيك الحواري
وانا بدوي وسمع قنيب الذيابه
واليوم ماسمع غير صوت البواري
والطرق زحمه والبلد يندعابه
عجاب صالح الحنتمي