البارحه . دمعي. غشاني. هماليل
والعين هلت . مثل وبل السحابه
غرقت كفوفي .وامتلن .المناديل
وونة ضلوعي. مثل جر. الربابه
ماهو طرب لا والله الا غرابيل
في فقد ابو خالد .جليلٍ.. مصابه
كيف اصفه بالشعر والحرف والقيل
وانا .حروفي .عاجزاتٍ .مهابه
مرحوم ياللي مد كفه.. شهاليل
على ..البعيد.. وضافيٍ.. للقرابه
اصفى من الينبوع واعذب من النيل
لا جاه عطشانٍ. روى .من شرابه
يبكونه .ايتام ..وصغار. ومعاليل
يا كم . جاله ..واستجار. بجنابه
مالوم ابو متعب على هدة .الحيل
وسلمان. يوم .الدمع .غرق. ثيابه
قدامهم حطو نعش. نافل .الجيل
سلطان. يوم .الموت عنهم غدابه
حزامهم في .عاتيات . المشا كيل
اليا. مشى .للعلم بالعلم ..جابه
رحب المحيا في وجيه .المقابيل
له ضحكةٍ ..تسوى .ثمانين.. لابه
له عقل يفرق عن عقول الرياجيل
سلطان هو سلطان خصمه يهابه
كم .شالها .منها حموله.. مثاقيل
رسى لها. ثم .حلها ..في . ذرابه
يا حي فكره .حي. ثم .حي. لاقيل
الذيب ينْجب من .سلالة. ذيابه
عليه من لمحة ( ابوه ) التفاصيل
واخذ من( الفيصل) صرامة جنابه
ومن .(الفهد). عليه.. دل .وتداليل
حكمة ,وعلم ,وفهم وايضا ,خطابه,
حكامنا اللي ذكرهم .ياصل . سهيل
فوق النجوم. بساطهم .من .سحابه
ندعي لهم ..في .سجدةٍ .تالي .اليل
من راح منهم حرم. الله . عذابه
تمت وانا من لابةٍ ..تسرج. الخيل
لا قيل (حرب ) ياقل حرب الحرابه