طبيبها العين شاجاني =باللي عيونه غلبها نعاس
وصاه والمقصد إنساني = لكن قلبي رهيف إحساس
جاب البنادول واعطاني = يبغى يخفف ألم فالرأس
ما يدري إنه به أعياني = جرعني السم دون قياس
أدعج غنج صنع رباني = نونه على حاجره حراس
بنجاب مدري سليماني =من هو رأى زيلته ينحاس
حرفه مكسر عريباني= كم اذبحتني منه لا باس
ولعثم الحرف في لساني = فرق العمر يقرع الأجراس
يا ناس وده تبلواني= أصبحت كالبن في محماس
أهب يالود قوماني= لحظة منه نار من مقباس
لكن مؤصل في وجداني= لو أتركه عشت في هوجاس
لا الأول أنا ولا الثاني = يا كم يأسر قلوب الناس
ياليت ليه عمر ثاني= أبني معه فالمودة ساس
ذا حر ما بي وما جاني = كتبته أغصان في قرطاس

أنا الذي حرفك أبكاني=ياكاتب الحرف لك نبراس
أتجدد الجرح باحزاني=والقلب مكسور وكله ياس
ولد الهوى فالهوى فاني=بعد المكاسب جنى الإفلاس
واليوم عود الحطب لاني=مايفيد من وده المقباس
آهات قلبي من أعياني=آهات فلبي من النسناس
نسناس عطره أنا أرداني=لما تمكن من الأنفاس
والود مايعرف ألواني=والود مايعرف الأجناس
حكمه على القلب سلطاني=لحظة وفا والصفا بلاس
ومحال للود كتماني =ولاله عمر يركسه بركاس
مادمت بالروح رياني=لازال غصنك كثير ارماس
وإن كان زين الثمر داني=أقطف من الطيبه نوماس
بالساير اللي بالاقناني=في غير ذلك ترى الأدناس
وأنت رفيع القدر باني =عزك بجوهر من الألماس
أسقاك ربي روى امزاني=والقلب من عادته عساس