الموضوع
:
ديوان الشاعر : شريف بن راكب الفريدي
عرض مشاركة واحدة
15-10-09, 12:16 AM
#
2
عــضــو
عذري ترى يا صاحبي يوم سرّحت=ضربت لي هاجوس مدري ضربني
ما والله ادري عنك لوما تنحنحت=قبلك بعد واحد بمتني سحبني
انحت بيوتٍ من صميم الحجر نحت=تجديد فكرة واحد ٍ كد غلبني
عرفت مقدار الرياجيل وارتحت=عبر الزمان وجور وقتٍ غصبني
لقيت من ياقف معي والهدف بحت=وعرفت من ينوي على هدم ما ابني
اللي اليا مني برايه تسلحت=وصف لي الدرب المصد ّ وعقبني
حتى ولو اني معه دايم انصحت=امّا انكر المعروف والا نكبني
صديقي الحاضر عدوي اليا رحت=بالدين لو له عروة ٍ ما شذبني
ياجاهل ٍ في وصف الانذال ما افلحت=ان ما كويت ابهام يدك اطّلبني
احذر هل النمات واكّالة السحت=ما اقول عنهم خالق الكون زبني
صادفتهم مده قليلة وشلّحت=من مر لو يلقى عباتي سلبني
ولا ازعل على ضحكة عدوي اليا طحت=ازعل على الصاحب ليا ما قضبني
لاصار له قدره وقدمه تلولحت=خابت ظنوني فيه وازداد غبني
يشوفني ويقول لي ليه ماصحت=مثل الغريق تقول له ماندبني
ما اقول كملت المعاني ووضحت=لوطالب الطيب بحق ٍ ركبني
اخذت روس اقلام موجز ولمحت=وابديت حاجة واحد ٍ مانصبني
التوقيع :
منصور الوسوس
مشاهدة ملفه الشخصي
البحث عن كل مشاركات منصور الوسوس