|
|
حفيد الحجيري =
الشعر ماهو هجوم دفـاع=يا مشقلبينه علـى راسـه
الشعر مثل الموسيقى اِيقاع=يعزف على أوتار حساسه
أبو سالم الرحال=
آنااشهد إن المثل ماضاع=لازالو اهله على ساسه
عليه يردون ورد سباع=ويسقون عذبه لجلاسه
الحجيري=
لا شك يبقى الذهب لماع=فالسوق مهما طغى نحاسه
بوجود شرواك تخسى ضباع=القيل . يا مرتوي كاسه
أبو سالم الرحال=
الجيد يشرى ولا ينباع=ينومس الراس نوماسه
عزيز يبقى على المرباع=ويعتزبه راس قرناسه
|