قد ما شكرتك انا ماوفيك=يافن زايد على فني
انا اشهد ان الشهامة فيك=من أصل طيّب يواصلني
ياساس من معدنك صافيك=اطلب من الله يجملّني
شفت السعادة وانا اراعيك=في ليلة الأنس شايلني

وانعم عويدات من ماضيك=ميقافكم ما يخجّلني
وفاك جاني قبل لاجيك=في كل واجب توجبّني
الطيب مقرون مع طاريك=دايم على العز سابقني
لازم فوقت اللقا نحميك=عسمي ولازمك يلزمني

ماخاب من جاك مترجّيك=يابن شريّان صدّقني
الخال والد ونا بناخيك=بين الخلايق تنومسني
ياشاد عضدي ونا شاريك=ياللي بفعلك تشرّفني
من نسل طيّب سبق وافيك=بالفعل ماهو فضل منّي

ابغى إفادة من مجرب =من هاجسٍ فالفؤاد يلوج
لايوم فيه الرجا قرّب=امشي عدل و الليالي عوج

حصّن فؤادك بذكر الرب=يا شاكي الحب و العمهوج
كل يوم حث الخطا فالدرب=زيد الصبر و الصعاب تموج