خليفة المزروعي=
ياسلام الله كما الغيث في عز الربيع=من عميل(ن)ياخذ الطيبه ويمدها
من تقدا بالبصيره في دربه مايضيع=بابدع الأمثال وانصاك ياللي قدها
احمد العامودي=
مرحبا ترحيب عد الشجر في كل ريع=بالصديق وما ذكر من علوم وعدها
والمعاني سوق تشري به الناس وتبيع=ومن عرف قدر الرياجيل يكسب ودها
احمد العامودي=
البقا باللي مشاهد على الحيد الرفيع=والمواقف لانصاها الشجيع اسدها
الحظارم شغلها فالتجاره والمبيع=ماخبرنا تزرع ابلاد ولا اتحدها
احمد العامودي=
الحيود العالية كلنا فيها جميع=مير لا تبني مبانيك ثم تهدها
والحضارم حملو البحر ما لا يستطيع=ربعتن فالدرب ما شي ياقف ضدها
خليفة المزروعي=
ابك حنا دوبنا خل صدرك لي وسيع=وان مشينا الدرب سرعتك بالله هدها
مانذم الربعه اللي لها سد منيع=كلنا لاجات للورد نارد عدها
احمد العامودي=
حرب معروفين شجعان والحربي شجيع=مير حكم الشرع جا للحروب وصدها
لين صار الذيب يمشي على جال القطيع=وان نظر بالعين فيها يده ما مدها
خليفة المزروعي=
ربعتي مزبان للكل فالوقت الشنيع=واليمين اللي على الشرع حنا نشدها
كم من قاسي لقا لوله الحربي يطيع=كلمة منها الحيا يا عميلي بدها
احمد العامودي=
ما نذم الربعة أللي لها ماضي مشيع= حرب معروفة وكلن منيرسدها
مير من بكرة بعينك بالرادي مذيع= لجل تذكر فعل ربعك وتذكر مدها
خليفة المزروعي=
ماعليكم زود والخالق العالم سميع=وحرب دون اسدودها السيوف وحدها
ربعتي بافعالها ماتبي منه يذيع=وكلنا لدوله اللي يشرف مجدها
احمد العامودي=
الف ونعم يارجال المعزة والصنيع= ربعتن كل المخاليق تعرف جدها
ومن شرا صحبة خليفة مجار انه يبيع=ودولة الا سلام انتم وحنا جندها