امشي معك فالمثل وابنيه=وانت برسم المثل معروف
لك الحكم إختمه وإمضيه=لما يجيك النغم معزوف
السينات=
أدلِّــــلُــــه دائــــمــــاً وارضــــيــــه=والــبِّــسُــه ثـــوبـــه الــمــألــوف
لــكــن بِـطـبـعُــه يــفـــرِّط فــيـــه=ويخلِّي مَنْ لا يشوف يشوف
الكنيدري=
ان كـان طبعـه كــذا راعـيـه=حتـى يـقـرر لــك المـعـروف
ولاانــكــره اشـطـبــه مـاضــيــه=وابعد عنه ثوبك المعطوف
السينات=
والله ورب الـسـمـا معـطـيـه=كــل الــذي يطلـبـه ويـنــوف
لـكــنــه الـعــنــد مـسـتـقـديــه=خلاه يمشي معي مكشوف
الكنيدري=
مادمـت مـالـك رجــاء ترجـيـه=لاتعيش وقتك عليه حسوف
مــــن يـفـقــد الــشــي لايـعـطـيـه=ابعـد وصبـرك معـه مخلـوف
السينات=
ما اقدر عَنُه ابتعد والغيه=وما ظن ليَّا عَنُه مصروف
لجلُه في وجهي لزوم احميه=وازيِّنُه واجعلُه مصفوف
الكنيدري=
عمر البنادم حكم واليه= مهما علي فى القصور النوف
وان شفت سيلك حدر ساقيه= لاعا د تكلف عليه كلوف
السينات=
الناس ما تحترم راعيه= وتصوِّرُه مخرِّف ومخفوف
أبغاك تحكم حكم يعطيه= حقُّه ويخلِّي الجميع وقوف
محمد الكنيدري=
لا جـــاك مـنـهــو رغــــب تـفـتـيـه=حط النقط فوق روس حروف
ومــــن عــرفــك الــحــل لاتـبـديــه=لـيــن اتـشـاهــر عـلـيــه ســيــوف
السينات=
امشي معك فالمثل وابنيه=وانت برسم المثل معروف
لك الحكم إختمه وإمضيـه=لمـا يجيـك النغـم معـزوف
محمد الكنيدري المردود الاخير=
ابــديـــت لــــــك قــــــاف ومـــداريـــه=وابدعت فى وصفه الموصوف
وبــعــد اتــضــح حــــال مـاتـعـنـيـه=الـشـيــب دونــــه حــكــم مــوقـــوف