بالفـن والقـن والسـايـر=سلام مبدا الكـلام يكـون
ياستاذنـا فالبلـد طـايـر=مغرور وياكل خشاش ودون
مـن صافـي البـال والخـاطـر=ترحيب واللي حضر مايهون
لـــلان فـــي قـولـكـم حــايــر=حـدد لنـا جوهـر المضـمـون
عساك تبقى علم نايـر=وتفتي لنا فالذي مكنون
سيد البلد سيدي جايـر=فالفن اسمه بداية نون
هـات الافـادة مــن الاخــر=ياليت وضحت من تعنـون
وان كان بينت وش صاير=نفتيـك بالعـرف والقانـون
حوار فأهل الأدب دايـر=والخط واضح وله تقرون
مسؤول فالمسأله ضايـر=عليه بعض المعاني ديون
مانـي كاهـن ولا ساحـر=حتى اكشف الخافي المدفون
ان ماتحدثـت بالظـاهـر=ابعتذر وانسحـب بالهـون
محشوم ياستاذنا الماهر=العلم فاللي نشر مسنون
فحقوق للنشر يالناشـر=ياكيف مثلك لها بيصون
مـن بعـد وضـحـت وتجـاهـر=خــذ الاجـابـة بــدون ظـنـون
انـا انسـب الشـعـر للشـاعـر=لو يزعل البعض أو يرضون