علي عيد البشري =
سلام بالذوق تعبيره = يامتوجين المثل بوسام
بارقى العبارات تحريره = ينصاك ياعزوتي وحزام
حرب =
ترحيب ياطيب السيره = يجلا عن الخاطر الاسقام
من طالب الحرف لمديره = الشاعرالفارس المقدام
علي عيد البشري =
عسا البقا زان تقديره = ابوعمر من رجال حشام
نير بفكره ومايديره = بأفكار فيها الدليل التام
حرب =
ياهل المثل يامشاهيره = يامن بكم ترفع الاعلام
الان مطلوب تصديره = عذب المثل.. والوعد قدام
علي عيد البشري =
علمك مرفوع فالديره = معروف لهل اليمن والشام
من بينهم عشت في حيره = وانا ارتجي قربهم وليام
حرب =
يامشتكي حال تكديره = مثلك فشكواه ماينلام
لكن لبوعيد تاثيره = وحل القظيه عليه لزام
علي عيد البشري =
القلب محتاج تبشيره = فأمرين.. والكل منهم هام
ياحرب ياصعب تصويره = دون المساعي أمور عظام
حرب =
القلب يلزمك تحريره = من همه اللي مضاله عام
ومثلك ماتقبل معاذيره = حتى العيون الشقيه تنام
علي عيد البشري =
وفيت والحرف تسطيره = على بياض الورق بأقلام
كله وفاء زان تعميره = ماغيره الشور ياضرغام
العزم فالي لنا تشيره = ايام تاتي على مايرام
يالله عسى فالأمرخيره = على كذاوالحياه اقسام