يهل البحر حرروا جابـات=في يخت وسط المحيط يعوم
بعد انكسار السواري بـات=من سطوة الموج له مقسوم
فوقه سحابـه لهـا ونـات=وتهل دمع الأسـى وتلـوم
اللي على اليخت له همـات=اتجاوزت حدها المرسـوم
ترحيب وافي لكـم باللـذات=عسى البقى دايمـاً وتـدوم
ياما دخل في بحـور ومـات=هذا قـدر والقـدر محتـوم
واللي رحل عن مراسي وفات=مايحسب الوقـت بالمنظـوم
مايفيده النـوح والحسـرات=غير الترحم على المرحـوم
عساك تبقا على الشـدات=ربان وسط البحور يـزوم
اليخت باقي على الصطوات=يخفضه بحر القسى ويروم
كيف الوسيله نبا شـارات=تنقذ حياة الـذي مغمـوم
والبحر غادر وله حيـلات=صحيح ما فالبشر معصوم
بحر الهوى في صميم اللذات=ودمعة اسا فالشواطي تحوم
عيون فاضت بها العبـرات=وعيون طامي بحرها سهوم
ماظن فيهـا لكـم منجـات=مهما علي بالصقور الحـوم
من ودهم جاتنـا الويـلات=وهموم راحت وجات اهموم
ومن طب فبحورهم هيهـات=ماعاد يهنـى بلذيـذ النـوم
وإن طعتني نرفع الرايـات=ونسلـم الأمــر للقـيـوم