عندي للأعضاء توجيهات=ومطلب بسيطاً(ن) يسوونه
توجيهنا بحتـرام الـذات=وكلمه لموضوع يقرونـه
الجزل يستاهل الجـزلات=اللي بها العـز مقرونـه
واللي نشاهد به الغلطـات=لابد الأعضـاء يفيدونـه
ماينفع انا كـذا بسكـات=نمشي والاوضاع مركونه
والفايده كسب جاك وهات=والحـق للـي يوفوونـه

عندي للأعضاء توجيهات=منهـا وفيهـا تطورنـا
الأولـه بحتـرام الـذات=ويضاً نسجل مشاعرنـا
الجزل يستاهل الجـزلات=وبشكر نشكـر محررنـا
واللي نشاهد به الغلطات=نعطيه نظـرت تصورنـا
ماينفع انا كـذا بسكـات=مانصحح اخطاء شاعرنا
والفايده كسب جاك وهات=تنفع لغايـب وحاضرنـا

كلام واقعْ و لا بـه خـاتّ=من شخض الاعضا يعرفونه
حريص و الحرص له سِبَّات=و العاقـل يدبِّـر اشْؤونـه
و ما دام معروف لك وقفات=علِّق جرسها و اقفْ دونـه
و الحق بيِّن و له صـولات=خلِّـك عمـاده و دندونـه
و تحيتي لك يبا النوهـات=يا كايف الشعـر و ايقونـه

خليتني في وسط بستان=محفوف بالورد والكادي
كيف اتجرى على الرمان=والخوخ من حوله ينادي

اعجبني الـرد يااخـوان=بالنصح يزخر والرشادي
لاشك مليان من مليـان=جزلاً برده ماهو عـادي
الشكر ينصاه مهما كان=قصاد من شخص قصادي
وانشهد انه من الأعوان=اللي بهـم فخرنـا زادي