ان كان معجب في لميس وفي مهند والشباب=اللي معاهم في مسلسل لضياع يمثلون
احجز على استنبول واجعلها ذهاب ابلا اياب=رحله بلا عوده ولا اضنك من اللي يفقدون
مادمت معجب بالدعاره والاباحه والخراب=وتسبنا وتقول ماوسط السعوديه ازيون
حنا اتزينا الفعول اللي على مثلك اصعاب=انقولها وانطولها وانفهم اللي يفهمون
نمشي بسنة سيد الامه وتشريع الكتاب=وسلم الرجال اللي على درب المعزه يفخرون
والزين ماهو زين شكل وزين تشخيصة اثياب=الزين زين الطبع ورجال المعرفه يشهدون
فينا الولد للمرجله يطمع مطاميع الذياب=واللي سعى لطايله والعز والله مايهون
طموحنا فوق النجوم اللي تلامع والسحاب=طموحنا ماهو بمكياج العذرا والدهون
حنا سيوف العز وسهوم الشجاعه والحراب=حنا شباب الامه اللي بالشدايد يذكرون
اهل النقى واهل الشرف واهل المعزه والاداب=واهل السطر واهل الذكر والمسلمون العابدون
حنا نسانا مايكمل زينها غير الحجاب=ماهن بسلعة بيع معروضه الناسن يشترون
حنا انكرمهن عن اشباه البهايم والدواب=الاخت والخالات والعمات والام الحنون
امحشمكات امكرمات وحاسبين الهن احساب=عف وطهر عز وشرف محفوضتن وسط العيون
يابو اعلوم احسب احسابك لاسوال ابلا جواب=من زرعكم ياصحابنا ياهل المزارع تحصدون
على قناتك مانوجه ذبذبات الاقتطاب=مره انعديها ورا واحيان نقصر دون دون
دامك تعديت الصحيح ولاتوصلت الصواب=اهرج مع اللي يهرجون اكذب مع اللي يكذبون
والقافله تمشي ولاهي حاسبه نبح الكلاب=لو الكلاب اللي تنابح كشرت حد السنون