ياحظ عين غشاها النوم وارتاحت
ماهي على ضيقة التفكير منحده
اليا بدى الليل كل هجوسها ناحت
واليا بدى الصبح مهمومه ومنلده
فيها مطاميع بعض القوم مالاحت
لو جات في تالي اليومين منكده
اولهم اللي محابيله علي طاحت
واخرهم اللي جميل الناس مارده
يقبع ورى خيبة بالنفس ماطاحت
ويقلب الضيق في يمناه ويمده
وانا على الفايته مادلتي فاحت
الا على اللي زمام الطيب ماهده
هذاك يسوى مقام العين لو ماحت
ومكانه الجوف يقلط فيه ويكده
عبدالعزيز مناور الرويثي الحربي