يارب عمـا ورب الطـور=وصورة محمد والأنفالـي
تعلم وانا عبدك المأسـور=أسألك تصلح لي أحوالـي
وأسألك لا تكشف المستور=ولا ظنتي فالبشـر خالـي
عبدك وأنا خاطري مكسور=طمعان في جودك العالـي
مؤمن وفي لوحنا مذكـور=إن كنت شقيان أو سالـي
مقهور من حالتي مقهـور=من حال مايقبلـه غالـي
بين العرب أبتسم مجبـور=والنار تشعل بي إشعالـي
وش حيلتي والأسى محفور=بالجوف وش عاد يبقالـي
حتى جدار الأمل مشطـور=من بعد ماكـان بالعالـي
مادري خلل والحلل معذور=حتى تحطـم بـه آمالـي
واللـي هوينـاه كالبلـورأ=ول بـس الآن تمثـالـي
خالي مشاعـر يمثـل دور=عاشق وهو مانشد مالـي
لاوين بكتب وهذي سطور=واللي خفى فبه الأهوالـي
كل ماعدلته يجي فحـدور=ثقيل تبـرك بـه جمالـي
وأكيد في ذالصبر مأجـور=برد و ملاهيب مـا أبالـي
عاقل وطبعي كما المسحو=رومن شاف حالي بيرثالـي
لا الطب ينفـع ولادكتـور=وأخشى من القيل والقالـي
لو أعلم الطب في لاهـور=لأمشي له البـر وجبالـي
سنين بأيمهـا و شهـور=أمرارهـا دوم والحـالـي
سطر إنكتب بالخطأ مقرور=بأحيا بـه أيـام تبقالـي
كشخص من باقي الجمهور=لاوحى ولاشـاف لا قالـي
وإلا الحقيقه جسد مهجور=لا حـب لاحـط لا شالـي