المشاركة الأصلية كتبت بواسطة نداء الغيداني

فرخٍ عقب ضف ريشه طارمن وكره= فـي غفلـةٍ والأوادم مايشوفـونـه
الصقر لاطار ماحد ضامـنٍ مكـره = وإليا شهر عودته ماهي بمضمونـه
والله مادري وش اللي دار في فكـره=أخلى مكانه وخـلا اللـي ينادونـه
الفكره اللي طرت له ماهـي بفكـره=غير مفاهيـم كـل اللـي يعرفونـه
أقول بكـره يجـي والا بعـد بكـره= وطول غيابه وحال البعد من دونـه
لكن لو غـاب زولـه باقـيٍ ذكـره=بقلوب ناس مثـل حالـي يعزونـه
أنا أشهد إنه حدا رجلي على ماكـره= وأتعبت حالي على شانه وفي شؤنه
قاسيت همٍ جرالـي منـه ماحكـره=أثر بقلبـي وسـدي بـاح مكنونـه
وحزنٍ يلفه تقل سيرٍ علـى مكـره= أسباب علمٍ سمعته بـان مضمونـه
واحياناً الحزن (مثل الموت له سكره)= يجهد فؤاد الحزين ويسهـر عيونـه
وياهيه ياللي بدا إسمك عندنا نكـره= زودت هم الخفـوق وزدت بحزونـه
ما دام ما ضاع لك حاشي ولا بكـره= وش دخلك بين مضنونٍ ومضنونـه
يالله ياللي علينـا حمـده وشكـره= يالواحد اللي جميع النـاس يرجونـه
لاتِسمع الناس بمحمـد خبـر يكـره = وتفرح به اللي لهم وقـت يتحرونـه
وإنك تـرده علينـا اليـوم لا بكـره= وتسعد بشوفه عيون اللـي يحبونـه