ياأبو محمد لافجتك امصيبه = طيب الزمان في رغد ماريت شر
ويامن على كل البرايا بين = وعلى جميع الخلق بالعلم افتخر
فضايله بين الملا مشهوره = عصر الصبا واحلاف ماابيض الشعر
تبين لي طار طرالي ظاهر = عسر ولو ينشر على كل البشر
أنشدك عن انثا اتعاشر مالها = ذكر يجيبها واصل ماتلد الذكر
وانثا لاتضنا ولا ينضتا بها = طول الزمان ولبسها ثوب حمر
وانشدك عن انثا وهي سيارة = دليلها مع دربها طول الدهر
وانثا تسير بغير أرض ولاسما = ومسيرها دب الدهر على الظهر
وانشدك عن انثا وهي شباحه = تاكل ولاتشرب وتنكح من وخر
وانثا وأربعة لها في حسبه = يانعم من هي له تكون المتجر
وانشدك عن انثا حديد شوفها = تمشي وبيلنتها ثلاث في سطر
وانشدك عن انثا توكل حلوة = في بطنها انثى وفي الأنثى ذكر
وانشدك عن اثنا تناكح زوجها = إلى اتعبت الأنثى فجد لقح الذكر
وأناثى لهن فصل نعم = في محكم التنزيل حلوات الثمر
وأناثى مختلفات اسناهن = سبع ويتبع كل وحده منهن ذكر
وانشدك عن سود حلال اكلهن = وامثالهن بيض حرام للبشر
وانشدك عن شي طويل نافع = وللناس نفعه بين مابه غتر
هجره عن الضرب الكثير ايضره = ولو يضربونه جملة الناس اعتمر
وانشدك عن اذكر جليل نفعه = وخيار نفعه حين ينهل المطر
وانشدك عن اذكر بعمرٍ قاصر = بالحد قطاع ومسمور القمر
وانشدك عن اذكرين باسم واحد = فارقهم الذكر الطويل المشتهر
وانشدك عن يدور على الملا = بالسمع يذكر الطويل المشتهر
وانشدك عن رجل تزوج أنثى = بكر قضا بعض الملا منها وطر
ماعندهم جان ولاإنس حضر = فزاجهم هذا يكون امن العبر
وانشدك عن اذكر شديد باسه = يمضي جهارٍ ولاعنده رد القدر
واخلا فذا اذكر يحبه اوصاله = لولاك تشكي في طبايعه العسر
واخلا فذا اذكر منازله الفلا = طبعه إلى ماناموا النومي سمر
ثم الصلاة على النبي امحمد = مابارق في مظلم الداجي سمر

ياراكب من عندنا منجوبة = من ساس هجن كنها ظبي عفر
قودا هميم من بنات عثافر = مأمونة ذا تو فاطرها فطر
سرها رعاك الله يوم كامل = ثم اسقها تالي النهار امن الحفر
فإلى لفيت وجيت صوب قبيلة = ترعا نبات الأرض مختلف الزهر
سلم عليهم إلى لفيت بظلهم = من غايب منهم ومن هو قد حضر
واختص لي قطن برد التحية = ذباح للخطار نابيت الظهر
قل له لقاني من اقبالك صايب = عسر ولالي عن امقاضاته مفر
نشرتها للعالمين ابمعرفة = مطلقها الطلق الشديد امن الوسر
مع ذا ولا يقبل المن هو صادق = عذر الفقير للعالمين لو اعتذر
تنشدني عن أثناً اتعاشر مالها = ذكر يحيها واصل ماتلد الذكر
هذا عقاب الطير كله اناثي= ولا تستحظ التسافي ذا الخبر
وأثنا لا تضنا بها ينضنا بها = طول الزمان ولبسها ثوب حمر
هذيك هي أثنا على وقت الحيا = حمرا وتسمى عندنا نبت المطر
وتنشدني عن أنثا وهي سياره = ودليلها مع دربها طول الدهر
ذيك العيون المبصرات بشوفها = الشمس بالمشا يتاليها القمر
وأثنا تسير بغير أرض ولا سما = ومسيرها دب الدهر على الظهر
هذيك في البحر العميق سفينة = دليلها دايمٍ مقره بالتفر
وتنشدني عن أنثا وهي شباحه = تاكل ولاتشرب وتنكح من وخر
هذيك في كل الديار امقيمه = وهي الرحا عند البوادي والحضر
وأنثا وأربعة لها في حسبه = يانعم من هي له تكون المتجر
هذيك الكعبة وذيك اركانها = ركنين والركن اليماني والحجر
وتنشدني عن أنثا حديد شوفها = تمشي وبيانتها ثلاث في سطر
هذيك هي جوزا المجوم الحسبه = يمشن طول الدهر زينات النظر
وتنشدني عن أثنا توكل حلوه = في بطنها انثى وفي الأنثى ذكر
هذيك عند أهل القرايا خوخة = وهي أول الأشجار تفلق بالزهر
وتنشدني عن أنثا تناكح زوجها = إلى اتبعت الأنثى فجد لقح الذكر
هذيك هي أنثا تخض اسقافها = والزبدة البيضا إلى درت النظر
وأناثى لهن فضل يعم = في محكم التنزيل حلوات الثمر
هذيك رمانه وذيك اغصونها = والنخل فضّله الأله على الثمر
وأناثي مختلف اسماهن = سبعٍ ويتبع كل وحده منهن ذكر
هذيك ليالي الأسبوع كلها أناثي = يتبعهن أبيض حرام للبشر
هذاك شهر فيه انحرم = أكل النهار ويحل بالليل الفطر
وتنشدني عن شيء طويل نافع = وللناس نفعه بين مابه عثر
هجره عن الضرب الكثير ايضره = ولو يضربونه جملة الناس اعتمر
هذاك الدرب علم وبين = وهو الدليل إلى الدليل قد ابتهر
وتنشدني عن ذكر جليل نفعه = واخيار نفعه حين ينهل المطر
هذاك مرزام السطوح حمايل = ماينفع إلا حين ينهل المطر
وتنشدني عن اذكر يسير امكلف = وإن قطع رأسه في كلافته استمر
ذاك القلم يعباه كل امطوع = لاتاجر يوم ولا يوم افتقر
وتنشدني عن أذكر بعمره قاصر = بالحد قطاع ومسمور القمر
هذاك يوجد عند كل امحسن =ألا وهو موس ايحت به الشعر
وتنشدني عن اذكرين باسم واحد = فارقهم الذكر الطويل المشتهر
ذوليك هم النسرين باسم واحد = فارقهم الذكر الطويل وهو المجر
وتنشدني عن اذكر يدور على الملا = يذكر بالسمع ولا يعطي خبر
هذاك كان إني فهيم وعارف = وإن كان لي فهذاك الدهر
وتنشدني عن رجل تزوج أنثى = بكر قضى بعض الملا منها وطر
ماعندهم جان ولا إنس حضر = فزواجهم هذا يكون امن العبر
هذاك رسول الله تزوج زينب = عقد لهم عند الإله ابلا مهر
وتنشدني عن رجل شديد بأسه = يمضي جهاز ولا عنده رد القدر
هذاك ملك الموت وشرب كاسه = من طال عمره بالحياة ومن قصر
واخلا فذا خمسه أو ستة ناموا = ونومتهم لزت على طول الدهر
ذولاك أهل الكهف الذي يوصف بهم = اصبروا وخير الله قريب الصبر
واخلا فذا اذكر منازله الفلا = طبعه إلى ماناموا النومي سمر
هذاك يوم البر يصبح سامر = واغناه تسبيحٍ الخلاق البشر
واخلا فذا اذكر يحب أوصاله = لولاك تشكي في طبايعه العسر
هذاك الفهد الذي ينقص به = للصيد لا تزعل عليه ولو كثر
وانشدك حيث أنك فهيم عارف = عن وزن رطل لا حديد ولا حجر
يثقل الوف مايعد احسابها = إلا ولي العرش خلاق البشر
فإن عجزت ولا عرفت اوصوفه = فانشد على حيث إن بذا عندي خبر
ثم الصلاة على النبي محمد = مالاح برق في سحاب واستمر