أقرب جهاز أسمع صدى شاعرٍ ون=من ونته أبراج صوته على الفل
جاوب جهازه من ونينه ودندن=يبثها لو كان سلكٍ بلا أنتل
هز الجهاز الذبذبة به وفرن=وتسابقن مابين شرقٍ ومشمل
أثر الجهاز لو كان سلكٍ ومعدن=يعرف جواب اللي حزينٍ ومعتل
يستشعر أصواتٍ بالاسلاك يجرن=من كبسة الريشه يما الصوت يوصل
أبعد مدى الموجات حتى تعدن=حدود النطاق اللي عليه كان يرسل
ياسرعهن من رمشت العين وأن جن=يسبح بهن علمٍ عرف كيف يعمل
سبحان ربٍ في سماهن صخرن=وعلم بها الأنسان وشلون تحمل
صوتٍ وصورة في دواير يدورن=وبين الشكل والشكل حالٍ تشكل
ولو هي تٌرى بالعين عالم يجنن=متشابكه من دون يحدث تدخل
لجيت في صوتي وبالأصوات لجن=أيكم مع كنودٍ تلقط من الكل
تسمع بها نغمات صوتٍ يلحن=مايردها لو خرجها كان مقفل
كفخ لهن همٍ بالأضلاع يسكن=وراحت بها الموجات تبرم وتفتل
راحن شمال عن من زهم مايغرن=وجاوبني اللي ممسينٍ من وراء تبل
ودارن جنوب وحدهن يوم خطن=من شرقي الحره على الفاج تقبل
وسمعت جهازتن مع الدرب يمشن=وقف بعضهم عن طريقه وحول
وردت جهازتن سمعت من أهلهن=قالوا سمعنا الصوت وحنا نتعلل
وشفيك اللي ترفع الصوت وتون=هو عشق وإلا ظيم وإلا تخبل
نبي نعرف اللي حصل ونتطمن=واليا قدرنا لك على شي نبذل
قلت السبب ياناس وأضح وبين=عاشق وأظن العشق يهبل ويقتل
وهاذي دروب العشق يوم أتفطن=ولاني على ماقيل آخر ولاأول
أنا عشقت وعشقتي ياعرب فن=خشفٍ ذبحني بالحلا والتدلل
يقذني بالعين والعين تفتن=عينٍ يسوي الرمش فوق خدها ظل
ماشفت أنا بالبيض مثله ولاظن=عندي أنا والناس تلقى بها أجمل
أصبحت أهلوس فيه وأصبحت مدمن=ليته معي لو بس يصدق ويصمل
يكرم علي بهاتفه دأيم يرن=واليا بغيت الشوف يرفض ويبخل
يقول أنا صغير وصغير السن=يبقى وحش معذور يشرد ويجفل
الله يدر الزين وأحسن على احسن=يبقى حبيب الروح وأنا تأمل
هذا كلام الرمح والرمح يمكن=زل بكلامه والبشر دأيم تزل

[table1="width:95%;"]