[TABLE1="width:85%;background-color:black;"]
الله يرجـــــع كــل غالي لغاليه
وانا يـرد اللــي عيـــــوني بكنه
غالي ولاله بالغلا مـــــن يساويه
بالـــــحب روحــي تفتديه وتكنه
سافـــر وقلبي راح مني مخاويه
ورفقة غـــلا مشاعري رافـــقنه
اشتاقله شــوق الغريب لمرابيه
اللي ظروف الوقت عنهن حدنه
يبغى الاجازة والمعزب معاضيه
كل مانتصف ليل العنا جر ونه
غريب ماحــــــيٍ بهمه يواسيه
الا الدمــــوع اللي قهر يغتشنه
وانا كمــــاه بحالتي والمشاريه
اشفق عليه ونار الاحباب جنه
يابعد دارٍ ولفـــــي اليوم لافيه
صناعة الالمان مـاياصــــــلنه
ماتاصله ياغير مــن تسبق التيه
اللي مضــيفات السفر يخدمنه
(البنق) لاعلت مـع الجو ماتيه
فيها ردارات المـــــلاحـة لقنه
شمال لاسطنبول هاذي حراويه
يقض الاجازة والعيون افقـدنه
والله يرجــع كــل غالي لغاليه
وانا يـرد اللــي عيــوني بكنه
26/9/1434هــ
| [/TABLE1]