الناس نامو والهوا جيس يطرن
يطرن عليه ماضى في حياتي
ناديت للأمثال بالعون حظرن
نزلن يلفن مثل لف الرحاتي
بالجزل دايم للمواقيف يحرن
وأبياتها نطلع بها النايفاتي
استرجع الماظي وعصرن وعصرن
عصرن قديم وعصر حاظر وأتي
بغيت اقارن بينها ماش مقرن
هيهات ياجي بينهم من صفاتي
العصر الول طيب ونفوس يشرن
يشرن بعظها فالرخاء والقساتي
ناسن فعايلها من الطيب يبرن
يبرن جروحن فالحشى خافياتي
فالماقف الغصاب مافيه عذرن
عاشو على أبشر مرحبا ياعزاتي
اركابهم لو آخر الليل يسرن
الطيب معدنهم وفيهم سماتي
واليوم مابين المخاليق جمرن
خل الأقارب والصداقه شتاتي
معاد تجمعهم جوامع على امرن
ولايزور جاره لو حذفت حصاتي
دنياك تغمرهم من الخير غمرن
قليل منهم يكسب الطايلاتي
الناس راحو فالمحادير حدرن
ونفوس هم عن بعظها زياداتي
معاد نسمع غير قطع ن وهجرن
أحوالها ياللأسـف مايلاتي
وجيل ن مقبل أخذ الأمر يسرن
كل الأمور ايشوفها عايداتي
حتى لوبوسه عاريه دون سترن
وشعورهم ياللأسـف نازلاتي
لوتعزمه لاالطيبه قال شكرن
مافي ولله خلني في حياتي
من مانشاهد صغت شعري في صطران
عسى الصواب ونسلم المخطياتي
وصلاة ربي عد مافان زهرن
على محمد كثرو بالصلاتي
خليفةالمزروعي