عيسى رباح المحمدي
شفنا من وجيه الرجال وعفنا
وقلنا ومعنى قولنا ينظر به
وعلى البسيطه يابن عمي طفنا
سـياح ولا سـيرتـنا الــغربـه
وان حال فينا عيه وخالفنا
قلنا كلامك للسنع ياقربه
عن المغازي والجهاد انكفنا
مادام ماتسوى ذباب الحربة
لاتقول ماانصفنا ترانا انصفنا
حبل ارتخى بيدك تركنا كربه
واللي غفل عن واجبه واخلفنا
مانختلف لو موقفه عذر به
ما الله تعالى بالعرب كلفنا
وكلن على ماقيل يلقى دربه
//////////////////
مجاراه سعد المحمدي
عيسى بجزلات البيوت اتحفنا
تقول شاعربي وانا شاعربه
لي جاز منطوق الفتى وردفنا
ابيات في كبد السما تشهربه
الطيب يبقى ورديه تفنا
ويجسر على المضماه راع القربه
في راس مزمومة حجا لاشرفنا
البوسني خله يحالف صربه
عطيت روس اقلام من مصرفنا
بالعمله الصعبه لنافخ ذربه
من لايشوف الناس له ماشفنا
كلام مابين الملا نجهربه