ألا ياللي توِن من الثقالي=ومن جور الظروف اللي محيطه
تصبر لاتزلزلك الليالي=ولاتجزع ترى الدعوه بسيطه
ولاتضعف ولو جافاك غالي=تناسى عشرته وامسح شريطه
ولاتندم على ذيك الخوالي=وخذ فنجال من راس النشيطه
وكم قلبٍ فبحر الحزن مالي=غرق في غبته كامل محيطه
أقوله والأسى فالجوف كالي=عميق الحزن وبحوره غويطه
أنا لاواقعي ولاني خيالي=أنا في منطقه حرّه وسيطه
وليه كلمةٍ لازم تقالي=ولي أفكار ماهي بالعبيطه
وشعري تاج راسي راس مالي=كتب اسمي على وجه الخريطه
قطفته قطف من روس العلالي=ثمارٍ طيّبه ماهي لقيطه
ولاقول إنه تعلاّ كل عالي=لكن المسك ماوافق خليطه