مساء الخير : قصيدة غزلية اتمنى ان تحوز على استحسانكم ورضاكم ولكم وافر الشكر والتقدير .
الله من صدفه ياويها صدفه \ \ \ صدفه صدفني بها غروتبلاني
الله لايعيدها صدفه يابو سالم \ \ \يوم ان عيني بلاها خدر الاعياني
بالنظره اللي تزلزل كل مافيني \ \ \باسباب نظره قضيت اليل سهراني
أواه يانظرة مابعدها نظره \ \ \النظره اللي تزلزل كل الاركاني
ناظرتها والفتن فتنه ورى فتنه \ \ \ملاك ماهي بشر للزين عنواني
فتنة تشل القدم والروح تتعبها \ \ \الله واكبر يا فتنه شانها شاني
قلبي خضر والهوى دايم مبهذلني \ \ \يالله لاتجزي الصدفه بالاحساني
لاجيت ابو صف ابعطيكم انا نبذه \ \ \عن بعض مااعطاها رب الكون سبحاني
الجسم رويان و المشيه تكهربني \ \ \والخصر ناحل وباقي وصفي الثاني
والعنق عنق الظبي والعين ذباحه \ \ \والخد برق لعج في وسط الامزاني
والرمش ظل ظليل لو تظلل به \ \ \تعيش جو الغرام اللي ببرهاني
من شفتها الهوى دايم ملازمني \ \ \اسهر وفكري سهر والقلب هيماني
اسهر على صورة بالعين حافظها \ \ \واقول ليتك البخت يعيدها ثاني
لكن حظ الفتى ماهو على كيفه \ \ \ياما طلبته ولكن دوم يعصاني
وهذي علومي يابوسالم من الاخر \ \ \قلب العنا من سببها بات وجلاني
بدر العياضي