يوم الهوى كان له زهم ويشرف من تبناه = يوم الهوى له هوى عند الرجال الصارفية
يوم الهوى له قوانينه وله كيفه ومعناه = يوم ان راع الهوى ضحى بروحه للهوية
يوم الهو ى يذبح الهاوي اذامانال مشهاه= يوم الهوى ينشرى بالدم والنفس الزكية
ايامها للهوى وجهة على من كان يهواه = مامال مثل الهوا في كل ساعة له نحية
يوم البساتين سد اسوارها دايم مغطاة = حتى الثمر مايشوفه غير من نال العطية
وارياحها ياسمين وفل والريحان مااحلاه = وازهار تنعش روايحها وهي دايم ندية
كلِ هوى والسعيد اللي كسب من كان يعناه= واخذه بشيمة عرب ما هي سلوم الجاهلية
ذاك الهوى والهوى ياهل الهوى ياعسر مرقاه= ماطاله الا سنافي هيبته دايم قوية
ماهو هوانا هوى يشرى بكثر المال عفناه= انحا وسند به الدلال في صبح وعشية
ياقاري الخط لاتزرى على علم كتبناه = شفت الخطا ون تصحيح الخطا واجب عليه
اكره طريق الحرام وعلم مايزهاني اشناه = شفي طريق الحلال اللي عليه القابلية
وبالله يالله ياللي مايخيب اللي ترجاه = ان كان ملت الخطا طالبك غفران الخطية