حن المثل وإبتدى زامُه=يبغاك تنظُر في جواللك
والقيل من عند حُكّامُه=مُرسل لشرواك وأمثالك
حن المثل يم علامُه=والعلم خلُه على بالك
أنا الذي حايز وسامُه=ويشهد على قولنا خالك
ماعندنا شك فأعلامُه=لكن هوِّن على حالك
لابان خطُه ومرسامُه=قاضيه يجزاك بأقوالك
قود المثل عطِّر أنسامُه=بأبيات من طيْب أمثالك
قِدامك اليوم عوامُه=يعطيكُم ريال في ريالك
كيف الهوى جرّد حسامُه=قدام عينك ولا هالك
وأنا تآسيت بصدامُه=عسى الأسى مايجي فالك
قلبي أنا فاخِر نظامُه=ماأشقاه ماكان يزهالك
وغيري يبا ناس لإلزامُه=وماتفيد قولة توْرالك
قلب الخلي ضاع لوامُه=وماتلام لو ماتت أمالك
سقيم قلبي وأسقامُه=تِستشعِر الطِب في إرسالك
هذا الذي وِدك بلامُه=حتى شغلكُم عن أشغالك
أوصِفه وأعطيني أعلامُه=حتى نجاوب على سؤالك
ملازِم الطرف وأحلامُه=لو بأوصِفُه لك يُرثالك
أحلم وأنا الليل ماأنامُه=وفي حالتي باتشكالك
يامسّلِم القلب بلجامُه=وش عاد يبقى ونسعالك
لكِنك إرحل لمخيامُه=وفي دربهُم خل منزالك