من متاهات المكان و تمتمات المنتظر=يستريح العُمر بُرْهَة والأماني: مَيّته.
مَا بقى إلاّ حُلْم واحد من ردَاته يحتضر=رحت أضمّه من ظماي وجيت أدوّر ديّته.
والمصيبة ما غدا دمّه بتغلب أو مُضَر=مَا ذبَحْه إلاّ أخوه.. ولا بكا إلاّ خيّته.
بْدويٍّ جَرّب الحرمان بثياب الحضر=من جنونه كان هَايم في هوَى جنّيته.
عن غيابه كنت أدوّر عُذْر لا منّه حضَر=أعتذر له وأعتذر به عن موانع جيّته.
قال: أباأبعد وأنت عارف، قلت: أنا كلّك.. نظر..!=قال: جرحك كيف حاله..؟! قلت: جرحي.. أيّته..؟
جرح بُعْدك أو صفار اللون بالغصن الخضر=جرح جوعي أو ظماي لـ قطرةٍ.. من ميّته.
أو هو اللي يوم طَوّل صرت أحسّه ما يضر.=و صرت أحسّ السمّ عادي من ثنايا: حيّته.
آه ياكثر الـ خناجر، لا سألت المنتظر.=وآه ياصمت الـ حناجر، والأماني ميّته.