البدراني
سـلام رديـةً تكتـب بحبـر الذهـب =تضفي على ربعنا تضفي علـى ربعنـا
يامهجرس الحرف هجرسها بحكمه وادب =واقرب على دربنا واقرب علـى دربنـا
مهجرس الحرف
يامرحبا والعرب تعرف سلوم العرب =مايجهلك طبعنـا مايجهلـك طبعنـا
مانحسب انك عوينن للدهر يالشنب =وش فايدت قربنا وش فايدت قربنا
البدراني
فيك البقا وانت رجال الوفا والطلب =وجـودك يهمنـا وجـودك يهمنـا
ماشفتك إلا تضد القوم سيفك حدب =مااحدن يبا يضدنا مااحدن يبا يضدنا
مهجرس الحرف
الله يسلمك يامحمد ولو لي عتب =عليـك ياعمنـا عليـك ياعمنـا
يومنها ولعت والطق وصل الركب =رديتهـا يمنـا رديتهـا يمـنـا
البدراني
أنا بوضح النقاء ماجيت تحت الكنب =واللي طلب بعدنا واللي طلب بعدنـا
يمديك ترمي على الجهات مابه تعب =لاتحطها عذرنـا لاتحطهـا عذرنـا
مهجرس الحرف
انا لو اني محلك لعتذر وانسحـب =كانك تبي جدنا كانـك تبـي جدنـا
لاوافقت ياطويل العمر ساعة غضب =الكثـر ماهمنـا الكثـر
البدراني
ريح ضميرك واعطنا من طرفك السبب =وانحلها بسلمنـا وانحلهـا بسلمنـا
لاوافقت بالغضب معي تـروح حطـب =لكن ولـد عمنـا لكن ولد عمنا
مهجرس الحرف
انا مريح ضميري والكتاب انكتب =لوكان ماودنـا لوكـان ماودنـا
من بينا يامحمد ماش لويت عصب =عنه الحياء ردنا عنه الحياء ردنا
البدراني
لاتعترض للمشاكل لاتجي للنشـب =تارد على عدنا تارد علـى عدنـا
تمر الحساء يا الشدادي مايعود عنب =لو الحلا سدنـا لـو الحـلا
مهجرس الحرف
من ولع النار لايامن يجيه اللهب =عشيتنـا غدنـا عشيتنـا غدنـا
ومن ياكل حمارنا يبا يشيل القرب =لو يلتمس ودنا لو يلتمس ودنـا
البدراني
تسعين جني ولا شدادي بحالة شغب =أمثال من عصرنا أمثال من عصرنا
انته تشيل القرب انكان جاه الجرب =كان اختلف علمنا كان اختلف علمنا
مهجرس الحرف
الجن عنه الاوادم يالغشيم تهـرب =ماهو معيبه لنا ماهو معيبـه لنـا
مير اعدل القاف كانك ماتبيه يخرب =يعيب كان انحنا يعيب كان انحنا
البدراني
يارجل مانته بعارف مدحنا والمسب =ماحدن يبا يسبنا ماحدن يبـا يسبنـا
أثر الشدادي يضيع انكان هب المهب =لو قـام ماضرنـا لوقـام ماضرنا
مهجرس الحرف
ياقوم ياهل ضرماء ياقوم ياهل القصب=كان الكلام انثنا كـان الكـلام انثنـا
لاوالله اللي كلتك النـار يابـو لهـب =من يوم جاك الطنا من يوم جاك الطنا
البدراني
هايفت في حفرة الزهول بعد المطب =شقران ماحدنـا شقـران ماحدنـا
النار قدمك واشوف النـار لاتنكـب =ماتقـدر تصدنـا ماتقـدر تصدنـا
مهجرس الحرف
اسرجت خيلك ورسنت القعود الصعب =ومدك ماهو مدنا ومدك ماهو مدنـا
من طبعنا لو حبل الملعبـه ينكـرب =ما نرخص بدمنا مانرخـص بدمنا
البدراني
أسرجت خيلي وشفت الناس عنها تهرب =ياحضنـا حضنـا يـا حضنـا حضنـا
الذيب عانه براس الضلـع تـوه قنـب =ومهجرس اوخينا ومهجـرس اوخينـا
مهجرس الحرف
اسرجت خيلك ولحدن في خيولك حسب =وغنـاك ماشدنـا وغنـاك ماشدنـا
تحسبك غالب لو انك يافتـى منغلـب =ياهن واختك هنا ياهن واختـك هنـا
البدراني
مهجرس الحرف شاعر مير شاعر طرب =يلعب بطرق الخنا يلعب بطـرق الخنـا
لا تحسب انك علينـا شايخـن منصـب =عد الروى عدنـا عـد الـروى عدنـا
مهجرس الحرف
طولتها يامحمد ليـن راحـت خشـب =واللي هدم مابنا واللـي هـدم مابنـا
من عاقب ايديه بحلوق العرب ينضرب =وش عاد لو ذمنا وش عاد لو ذمنا
البدراني
أثر مهجرس يبا الفكه وضربه وجب =أزبن على شيخنا أزبن على شيخنا
خلاص بيني وبينك حان قطع الرقب =الله يلطـف بنـا الله يطلـف بنـا
مهجرس الحرف
ابك انت ما انته سليم ايدين وانا عضب =ابشر بزود العنا ابشـر بـزود العنـا
اقول لك تيـس وملـزم تقـوم تحلـب =احلب وجعله هنا أحلب وجعله هنا
البدراني
أرفع يدينك وأنا بعطيك فرشة خصب =يا معترف بالقنا يا معتـرف بالقنـا
أنكان عندك بلا انا سليـم العطـب =طبعك ماهو طبعنا طبعك ماهو طبعنا
مهجرس الحرف
من يرفع ايديه يامحمد يطش السلـب =والذل ماهو لنـا والـذل ماهـو لنـا
كانك شربت البحر غيرك ترا من شرب =والعلم يطلع هنا والعلـم يطلـع هنا