سلام تسليم الرجال أهل المبادي والعزوم=تنصى رفيق العز والميقاف من نسل القروم
أشرب دلال الكيف ياراع الوفا وهات العلوم =أعلام سد أعلام والمفتاح فالباب الكبير
ويش عذره اللي قفل البيبان في وقت اللزوم=الخير في مكة وروح يطلبه وسط الجموم
حتى تعداه الخيال و ضلّى في الماقف يحوم =والمشكلة ساس البلا شوفه مع العالم قصير

يا مرحبا ترحيبة اللي عن لزومه ما يصوم= تاصلك يالحُر الذي في ماقفه يهد الخصوم
هاك العلوم اللي تصفّي الجو عن كل الغيوم = فيها الافادة مختمة و الختم بالعِرف المنير
اللي يقفل البيبان و يعطي دربه لألف لوم = ماله عذر لو له عذر تلهب على وجهه السموم
غيره يتمنى باب واحد يفتحه و يلقى الدسوم = لكن قليل العِرف مثل الطفل يبغى له شوير