|
|
سعد المحمدي=
سلام تسليمت الاسـلام يالمسلميـن=من شاعرن يعرف الزمل ومجاديلها
ودي بشاعر علم عارف من العارفين=مبغـى تهامـه تزارقنـي مخاليلهـا
بن راشد=
يامرحبا ياسعد والفال سمن وسميـن=والدله اللي ثلاث ارباعهـا هيلهـا
كل الاذاني توحّى لك مع الحاضرين=واحسب حساب اهل الجلسة وتحليلها
سعد المحمدي=
دام البقى ياعميلـي ياطويـل اليميـن=على الولـي ياولـد راشـد تساهيلهـا
اوحيت بذني وشفت اللي حصل يالفطين=سرقة ذلول الجماعـه مـن مداهيلهـا
بن راشد=
اسلم وخذ مسهمك وافي مـع الطيبيـن=تـرى قويـزة وطـا سكانهـا سيلهـا
اللي خذاها الضحى جوه العرب فازعين=واستبدل الهجن عقب الطلبـه بخيلهـا
سعد المحمدي=
سهمي من اخيار الاسهم والعرب شاهدين=مير البـدو تتعـب الطرقـي محاويلهـا
الحـق لاعـاد لهلـه جعلكـم غانميـن=مالي ومال العرب لـو نقصـت كيلهـا
بن راشد=
انته ذبحك الغلا مدري ذبحك الحنين=مدري عطوك اهل الاملاك توكيلها
الفارس اللي نبيه يحارب المعتديـن=العام شفتـه بحارتنـا يبـي فيلهـا
سعد المحمدي=
يمكن نطاوعك يالغالي على الحالتين=مير العيون المريضه ماتبي ميلهـا
ماني مكلف براع المطحنه والطحين=دنياك يصاحبـي مكثـر تهاويلهـا
بن راشد=
تطيعني يـوم والثانـي تطيـع القريـن=ياكلمـة بــذت الخـافـي بتأويلـهـا
ياقارئ الحرف تقرأ الحرف من دون عين=كيف العما يكشـف الغلطـات ويزيلهـا
سعد المحمدي=
في حال اطاوعك والا حال قاسي مالين=واهل الوفـاء وافيـه دايـم مكاييلهـا
كبوة جواد العقيد اللي يقـص الوتيـن=ماتنقص الشان يلـي قمـت توميلهـا
بن راشد=
نبي نطوعك بالسيف الطويل المتين=المحكمة تمتنـي شوفـك رياجيلهـا
قرب لي اذنك وابا اخاليك في كلمتين=اغلط على افريقيا بس احترم نيلهـا
|