منعاق انا ياخوي بالحيل منعـاق=اخر جديدي كان تبغـى جديـدي
غرواً نطحني لين العـود ودقـاق=من عقب شوفه صار حالي زهيدي
صغير سن وزادها حسن الاخـلاق=زين البدو زينه وساسه جويـدي
لوبوصفه ياخوي نشفن الاريـاق=وصفه فريد وفيه حسنن فريـدي
حبه نبع من داخل القلـب دفـاق=مع كل نبضه يندفق فـي وريـدي
حسيتبه من هامتي لاسفل السـاق=وأكد لي احساسي بعد لمس الايدي
جرى مجار الدم في جوف الاعماق=جري الطريد اللي يلاحق طريـدي
ماقولهـا زورً وبهتـان ونفـاق=والاعلوم تعطـر اغلـى قصيـدي
والاكمى الاسهم وتحليـل دقـاق=اللي بعدها راح فيهـا الرشيـدي
للحين قلبي من هوى الزين مافاق=وشلون افوق ودار خلـي بعيـدي
حتى على ماقيل لو ينوي افـراق=محبتـه عقبـي يرثهـا حفيـدي
وتبقى لنا ذكرى سواليف عشـاق=في يوم اناسيده وفي يوم سيـدي
قصة غرام ومهرتاً زينهـا فـاق=خيالها اصبح من هواها شهيـدي
ولابد ما تغرب بعد وقت الاشراق=وتطوى الصحف بأعمالنا يالفريدي
واللي خلق خلقه تكفل بـالارزاق=ان زاد والا لن نقص لي رصيدي