الموضوع
:
ويـــــــــــــــن اوديــك....
عرض مشاركة واحدة
13-10-10, 07:24 PM
#
10
إنتقل إلى رحمة الله تعالى
المشاركة الأصلية كتبت بواسطة الكحيلة
أهدااا لغلى غالي=
بين الشموخ وبين لحظة ترجيك=وبين الفرآق وبين دمعة حزيني
آناظر الشباك وارقب حراويك=وأسأل وليف الروح وينه ويني
لجل الغلا يامهجة القلب باكيك=حسبي على من حال بينك وبيني
يامُرها فرقا على قلب مغليك=ويامُرها فرقا شكاها الحنيني
ينساني الله كان با اقول ناسيك=يافرحةٍ في خافقي تحتويني
يامصعب الفرقا ويازين طاريك=يشرح فؤاد اللي لكم وافييني
ياقرة عيون الغلا وين اوديك= إن قلت في قلبي بكت منك عيني
وإن قلت في عيني شكا القلب باغيك=لكن تنقْل بينهن كل حيني
وارحم خفوقٍ يا غلا ميت/ن/فيك=منساك لوجارت عليه سنيني
رضاك همي غايتي كيف انا ارضيك= صحيح لو اخفيت ودك يبيني
ياغالي/ن/والله مخلف هقاويك=لك المكانه مثل احد والديني
آمر على روحي وأنا أقول لبيك=ترخص لغالي بالغلا محتويني
ماقلتها قصدي مجامل واسليك=إحساس قلبي وأكتبنّه يديني
واعاهدك واعاهد القلب ووفيك=لك الموده دام هالروح فيني
الأخت الشاعره الكحيلة
رائعه كعادتك تروق لي قصائدك
ابداااع وجزالة وترابط ووزن وقافيه
اتمنى لك المزيد من التوفيق
وصح الله السانك وبيض الله وجهك
تقبلي اجمل التحايا
ودمتي بخير
التوقيع :
ابن خيرالله الردادي
مشاهدة ملفه الشخصي
البحث عن كل مشاركات ابن خيرالله الردادي