المشاركة الأصلية كتبت بواسطة بيان الصمت

السينات=
ســجــل عــلــى ذمــــة الــــراوي=شـوك السَّلَـم زاد شـقَّ الثـوْب
وتْـفَـرْقـعـت سـبـحــة الــحــاوي=وطار الخرز كلْ وحْدَهْ صوْب
بيان الصمت=
حـاوي ومــن يتبـعـه غــاوي=لابليس هو غاية المطلوب
فالديـن مـا يصـلـح مـخـاوي=كيف وحياتـه علـى ملعـوب
السينات=
الـــروس فـيـهــا الـعـقــل خــــاوي=طاحوْ في وسط الوحِل والخوْب
وِصْــلَــوْ الـــــى حــفَّـــة الــهـــاوي=مـــدري مــتــى يـعـلـنـون الــتَّــوْب
بيان الصمت=
خـاوي العقـل مـا لـه مـداوي=فاعل تحت خانة المنصوب
ولاهـو عـلـى وجهـتـه قــاوي=بـرضـاه لنهـايـتـه مـسـحـوب
السينات=
صادق وما قُلْتلي ملاوي=عز الدوا والأمُر في نضوب
في شرعهم يُنْصر الغاوي=والحق في شرعهم مقلوب
بيان الصمت=
اللي على المعصية ناوي=عقله بأمر الهوى مغلوب
لا تحاول بسدّ متهاوي =وينوبك اللي لهم مكتوب
السينات=
يا للأسف صار متساوي=الصدق مثل الحكي المكذوب
حتى الحطب ينقلب جاوي=وبالواسطة كل حق يذوب
بيان الصمت=
مادام كاتب عدل طاوي=ضمير عدله مع المندوب
باعه مصدّر باسم ضاوي=ناظر فعقب الأمانة غروب
السينات=
يا كم مسكين وجْهاوي=حقُّه غدا بالغصُب مسلوب
وياكم طايش وهوْجاوي=يسير طالب وهو مطلوب