السهم عداء على راس الطويلـه= لرماه اصبح على العالي مواجـه
ان سمع صوت الرمي يرفع شليله= لو نبي نرميـه يعمينـا عجاجـه
صابه اللي يفلج المخطـي دليلـه= مضحي الجمران عكر له مزاجه
مايوصل راعي الطرقه صميلـه= دام جلده يشبـه لجلـد الدجاجـه
بازناد ان شب في راس الفتيلـه= كل جرحٍ عندنا يوجـد علاجـه

الهواء والعشق مانتم ضمن جيله= دامكم شيبان خلـــوه بحــــــراجه
ودورو سوق المساويك الجليلــــه=كل واحد مطلبه حسب أحتياجـــــه
مضحي الجمــران داله مع عميلـه= ولايغير قايد الريم أنتهـــــاجــــــه
حسب قوله مكتفي بأحسن بديله=له مسار ولايفكـــــــر بأزدواجه
عارف أن السيل لاعدا مسيلــــه=يغرق الشاوي ويسحب من نعاجه
والمجاري يطمـــر براس النثيلــه= وأن غشاه الليل ماولع سراجـــــه
يرهبه سرحان لازاد بعــــويــــــله= ولاوطاه الخوف مايعرف خراجـــه
إن غزوه القوم ماينطح قبيـــلـــــــه=و لاسمع صوت التفق لاذ بزراجـــــه
المشوك ياسعد حذرا تشيلـــــه =لو تشيله ماج قلبك بأرتجــاجه
وأعرف أن الدم يعــرف بالفصيلــــــه=والقلوب أما حجر وإلا زجـــــاجـــــه
والسهم خلوه يطرب مع خليله=كلها شهرين ويحدد زواجــــه