يعلن نداء عن اعتـزال القصايـد=شعر الغزل بالذات يعلن به اعلان
مامن ورى تلك القصايـد فوايـد=لاتقرب انسانٍ ولاتبعـد انسـان
مـادام ماتثـر بقلـب المحايـد=وش فايده لو دونت وسط ديوان
يامـا كتبنابـه بيـوتٍ فـرايـد=وياما عزفناها بعذبـات الالحـان
البست حبه من قصيـدي قلايـد=غير الذهب والماس لولو ومرجان
اللي لزينـات التواصيـف قايـد=له عندنا ياعيد قيمه ولـه شـان
لاشـك غيـر بالعهـد والعوايـد=وصارت علومه لي زورٍ وبهتـان
فكره نظيـف ولابقلبـه حقايـد=لكن يسمع كلمـة فـلان وفـلان
اهل العلـوم الضايعـه والنقايـد=يولعون النـار مابيـن الاخـوان
هذا قـراري كـان مابـه جدايـد=من عنده اغيربها اعلان بعـلان
ان كان جالي عقب ماراح عايـد=عودت لاشعار الغزل مثل ماكـان
وان راح راح وصبرنا مهو كايـد=لو نشرب الامرار فنجان فنجـان
الصبر محمـودٍ بوقـت الشدايـد=الصبر مفتاح الفرج عبر الازمان
مالي بكثرالهرج ناقـص وزايـد=لكن ابى اوضح لكم قدر الامكـان