حربي الاسياح
سلام من حربي موجه للجميع=معنى سهل واللي يفكر يفهمه
الحر في مشراف متعلي رفيع=حرٍ موكل حر والله يرحمـه
الطوفان
يامرحبا في صيف والا في ربيع=والبيت من يبنه عاجز يهدمـه
ولله يرحم كـل رجـالٍ يطيـع=إلخالقـه دايـم تـراه يعظمـه
حربي الاسياح
وقت الربيع اليوم ياجوع القطيـعا=لله يبلـى مـن بـلاه ويضلمـه
اعرف طريق الحق حذرا لاتضيع=ترى السوالف والمعانـي مبهمـه
الطوفان
الله يسمعنا وسمـي بالسميـع=والظالم اللي زاد غلـه يعلمـه
ماضيع بأذن الله وأنا سدنٍ منيع=وجابتي لن جبتها لك محكمـه
حربي الاسياح
بالسوق لا تشري ولايمكن تبيع=اسعار كل السوق جات محطمه
الدرب يالطوفان قدامك وسيـع=وانته تعود يم جارك تصدمـه
الطوفان
بالسوق أنا تاجر ماادور للرجيع=وكلٍ يداحمني بجنبـه وادحمـه
وأشوف بعيوني ولي سيف بريع=وراع الوفا لايمكن أنك تتهمـه