قصيدة عيد 1431ه
انا اعرف ان العيد لوغاب عايد =ولجله يعود الناس سموه عواد
والناس تفنى والليالي جدايد=من تمت ايامه على العيد ماعاد
وين الذي كنا معاهم نعايد=ونقضي ليالي العيد في أنس واسعاد
أقفو هل المعروف واهل العوايد=وخلو عليهم داخل القلب وقاد
حزني عليهم ليلة العيد زايد=طرفي ذرف دمعه على روس الاشهاد
يالله يامنشي المزون القوايد=رحمتك يامن له من الأمر ماراد
وتقفر ذنوب مقدمين الموايد=انته الكريم وكانو كرام واجواد