[center]السلام عليكم ورحمة الله وبركاتة
قصيدة: ابن خربوش الشمري .. في قبيلة حرب ...
في عام 1365هأ حصل بعض المساجلات الشعرية بين الشاعر محمد الحداري السليمي الحربي والشاعر عبدالرحمن بن معيتق العنزي رحمه الله وكان من عادة الشعراء في السابق اذا ارسل مندوباً الى شخص آخر عليه ان يذكر في قصيدته المنازل التى يمر بها مندوبه ويصف كرم اهلها ، لكن الشاعر عبدالرحمن بن معيتق العنزي وجه قصيدة الي محمد الحداري الحربي ولم يذكر بلدة الشاعر فرج بن خربوش الشمري رحمه الله في جبل سلمى مما اغضبه وجعله يقول قصيدة يعاتب فيها ابن معيتق على تجاهله لبلدة سلمى بلدة ابن خربوش وجماعته من شمر ويمدح قبيلة حرب ويعدد بعض شيوخها ورجالها المشهورين وتروي بعض آبيات هذه القصيدة بروايات مختلفة وفي اعتقادي المتواضع ان هذه الرواية هي اصح الروايات حيث وجدت مكتوبة من قبل حسن بن صالح بن ناقي نقلاً عن الشاعر ابن خربوش عام 1371هـ . يقول الشاعرالكبير/ فرج بن خربوش الشمري رحمه الله
يا راكبُ(ن) مـن فـوق زيـن المشاديـد
متحـدر(ن) مـن روس عالـي جبـالـه
ممشـاه مـن سلمـى عطاهـا الرواعيـد
الاجنبـي وان جــاه يعـطـي جمـالـه
من جاه في سلم العـرب بالشـرف زيـد
ومن جاه فـي حـرب(ن) تعـزز لحالـه
من راس ابـن خربـوش ماهيـب تقليـد
مـن دار ذربـيـن اللـغـى والجـزالـه
والنضو ركابـه علـي كيـف مـا اريـد
لابـن معيـتـق زاعجـيـن الرسـالـه
يهلـي بـراع النضـو قبـل التناشـيـد
ريـف الركـاب اللـي توامـي حبـالـه
ويقـلـط العـانـي بـزيـن المقاعـيـد
ويسيـح عنـد منـفـد الـبـن بـالـه
قل وش علم جيشك مـر سلمـى مسانيـد
هـل اللحيسـه مكرمـة مـن عنـا لــه
ورك(ن) بوجه الهجـن لا جـن مصاعيـد
قدامهـن الوافيـن فــي كــل حـالـه
الضيف يعطونه علـي كيـف مـا يريـد
ويقعـدونـه بــي مـكـان الشكـالـه
علـي النعـي مثـل المحـوص المواريـد
يحيـون باللـي فـاض مـع راس جالـه
حب اللقيمـي ميرهـم مـع نمـى الغيـد
وفنجـال بـن مونـسـه مــع كمـالـه
بـدو(ن) تنفـد غالـي الـبـن تنفـيـد
بـدلال وارفــاف(ن) طـويـل ظـلالـه
ذولا مـحـاديـر(ن) وذولا مـسـانـيـد
يهـلـون بالرجـلـي وراع الـزمـالـه
شرقـي جبـل سلمـى قرايـا المساعيـد
مـلافـظ الشـريـان تـرهـم شمـالـه
جيـشـك تعـدانـا ويـاخـذ تصـاديـد
دليـل جيشـك فـوتـه مــن هبـالـه
ومثلـك يشيـم عـن كثيـر الهرابـيـد
والا نـعـرف الطـيـبـه والفـسـالـه
معزبكـم المذكـور يـا عـل مـا يفـيـد
يـا حيـف ليتـك بـارز(ن) بـه لحالـه
على خـلاك مسـوي(ن) قـد مـا تريـد
والا سكـت ودامـح(ن) لــه خمـالـه
كـل العـرب فيهـا خـتـوش ملابـيـد
شخوص العرب مـا تندمـر مـن حثالـه
حرب(ن) من القبلة الـى ادنـى تخاديـد
يامـا بحـرب(ن) مـن رجـال الشكالـه
ويامـا بحـرب(ن) مـن كـرام صناديـد
ويامـا بهـم مـن مدركـيـن الجمـالـه
ويامـا بهـم مـن مشبعيـن المـراديـد
شيـوخ(ن) تنفـد مالـهـا دون حـالـه
معـنـا صداقتـهـم سنـيـن سرامـيـد
وراع الثنـا مــا ينـجـزى بالفسـالـه
ابـن نحيـت ينـفـد المـلـح تنفـيـد
مـن كـون بقعـا عندنـا لـه جمـالـه
مع شمر(ن) ورد علـى المـوت توريـد
أرخـى علـى حـوض المنايـا حبـالـه
ويـوم المليـدا شـدد الحـرب تشـديـد
مرقب غضي(ن) نشـده وش جـرى لـه
ربعه بنـى سالـم مشـوا والجمـل قيـد
يوم ابو ضيـف الله بـراي(ن) عبـا لـه
وضيف الله شوق اللـي نهـوده مقاعيـد
رخيـص مـا باليـد ثقيـل(ن) بحـالـه
أليـن مـن الماهـود مـا بـه عواقـيـد
حـلال قــالات(ن) تلـولـس حبـالـه
واخـوان حسـنـا للمـجـوخ صيايـيـد
بالسيـف ردوا عـنـد تـالـي ثقـالـه
فـي درب ابـو جـلال تلقـى المفاريـد
تشدى دروايش(ن) عـن الـدرب عالـه
جـلال شـوق اللـي طماحـه تصـاديـد
مربوعـة حـشـو المنـقـش جمـالـه
ورد لجـام السيـف بـالـراس تـوريـد
بيـوم بـه الخفـرات تـرمـي شيـالـه
بني علي ربعـه علـى كيـف مـا يريـد
ترعى بهم شقح(ن) على الحمـض مالـه
واخـوان نـورة تكـرم الضيـف وتزيـد
تـورثـوا بــاس المـهـادي وبـالـه
يرعن بهم الزرفـات فيـض(ن) وتسنيـد
مع حجرف(ن) سيف(ن) وراي(ن) برى له
وناهس صليـب الشـور عقـب صناديـد
عقب شيوخ(ن) تفـرح اللـي عنـى لـه
وغالـب ابـن مقحـم ذرى كـل رعديـد
زبـن الحصـان اللـي تـوطـا حثـالـه
إلــي تعـلـوا طايـعـات المـقـاويـد
كـم مـن طمـوح(ن) قلدوهـا حبـالـه
اللـي قنـص بالحـر صـيـاد وايفـيـد
واللـي قنـص بالتبـع عــزى لحـالـه
وفيحـان يثنـي دون شـقـح موالـيـد
وان ضيعـت عقـب الضبابـة عيـالـه
وكـم سنـدت خيـل المضاييـن تسنيـد
ومن ذل فنجال الشـرف مـا مشـى لـه
يا مال طوبـى ماجـد(ن) عندهـن صيـد
وجحيـش والعبـد المطـرف بـرى لـه
كــل نخـبـره بالثـنـا والتمـاجـيـد
ابـن صميعـر فرحـة اللـى عنـا لــه
مـن دون ضيفـه ورد النفـس تـوريـد
فكـه مـن الحكـام وارخــص حـلالـه
عقيـد عيـرات(ن) تـبـوج البـراريـد
دار الـعـدو لازم يـــدوج بـجـالـه
نـزه الشـوارب عـن جميـع العواقيـد
الله يحـل الشايـب اللـي غــدا لــه
وخلف ابـن ناحـل مضيفـه تقـل عيـد
اللـي عطـى الزمـال مـن حـر مـالـه
ونافـل ابـن غميـض يشريـه ويـزيـد
راعـي الخـروف يربحـه لا عنـى لـه
والنعـم بالناقـي الـى جــا جويـريـد
تلقـى الشـبـب ببيوتـهـم والشكـالـه
نفوسهـم للضـيـف مـابـه عواقـيـد
أهـل المليحـا يــوم جــود عقـالـه
وزيدان ابن مطلـق الـى جـن عراجيـد
ذيـب السميـن اللـي تـعـرم حيـالـه
هدات حـر(ن) طالـع فـي جـلا الصيـد
صيده مـن الجـزلات مـا هـي هزالـه
ليا مـا لقـى ضـان(ن) كـرم بالمعاويـد
مخيمـر ابـن مطلـق صبـي الجـزالـه
راع الكـرم والجـود بالفـعـل وايـزيـد
جعـلـه لجـنـات النعـايـم نـوالــه
ورباح ومحمـد علـى كيـف مـا اريـد
والمرجـلـة مـسـوا مثـانـي حبـالـه
والماكـر الطـيـب لربـعـه مقاصـيـد
ومـن جـث مـن خـو(ن) تبيـن قبالـه
شيـوخ حــرب والـكـرام الصنـاديـد
ذبيـت عنهـم يـوم صــارت شكـالـه
الطيـب ان جيـتـه يــزودك تـزويـد
والحنظـلـي مــا يقبلـونـه عيـالـه
.
.
.
..............................................
إلى هُنا نقول ( فمان الله ) ,, [/center]