عدّ الخيال اللي بعينـك تخيلـه=وعداد دورات الليالي والأيـام
وعداد من يرقى بظهر الأصيلـه=وعداد من صلّى ومن كبّر و صام
وعداد صبحاً ينجلي معه ليلـه=وعداد ما طير السما فالسما حام
وعداد ما يشكي خليل لخليلـه=وعداد منهو في بحور الهوى عام
وعداد مصريـاً تغـزل فنيلـه=وعداد من يبكي على فراق صدام
وعداد ما هلت دموع الجليلـه=وعداد ما يُكْتَب و خطّته الأقلام
يا مرحبا باسمي وباِسم القبيلـه=ترحيبةً منهاجها دين الاسـلام
يا مرحبا بعضيب راع الجزيلـه=ترحيبةً تمشي على قن و نظـام
يا مرحبا يا نسل حرب الأصيله=يا سيفها ياللي لها درع و حزام
الله يحييكم على البـنْ وهيلـه=فالحله اللي وصفها سبعة أنعـام
شاعرنا الكبير عضيب ،،، مساك الله بالخير
ابدي اعجابي الشديد فيك كشاعر يعتبر دفاع القبيله الأول وسيفها الصارم
عندي طلب وحيد فقط وهو أفضل قصيده كتبتها في الغزل وياليت تعطينا لو مطلعها ........ وشكرا
أخوك / حسن علي الحجيري