الأوله سلام يامن لجل واجبهم نجي

لو في سد اليمن والا بعد دار العجي

أنتم وحنا فالوجوب اللازمه ما نحتجي

نمشي على خطة سليمة والوفا من طبعنا

والثانية بسالكم عن رجل واسمه في كتاب المنهجي

اللي مشابه يعرف المدخال بعد المخرجي

وقت المقابل يكسب الطاله ولأبه يحرجي

تفكروا والعلم واضح ما يحير ربعنا



الرد



الأوله يامرحبا ترحيب نوره مسرجي

ما يختفي واضح يشعشع في الظلام المدلجي

عاداتنا وقت الرخا ولا النهار العجعجي

أنتم وحنا فالمواقف مانغير وضعنا

حنا عرفنا الرجل في خط الكتاب المدرجي

هذا هو الاسلام والمؤمن في حبله يلتجي

يالله يالمعبود جنبنا الطريق الأعوجي

وقت اللقا بالصدق ثبت يآ لهي جمعنا