البارحه ما نمت لين أبلج النور = أسج بالأفكار من واد في واد
من حال متضايق و من حال مسرور = و من حال ما أعرفله مصادر و ميراد
العب و أناور بس من دون جمهور = ما غير أنا و الهم وضلوعي أستاد
مهاجمي هداف لكن بلا دور = ماله وسط يصنع ويعطيه الإمداد
و مدافعي مطرود بالظلم والجور = والحارس أحول ما يقف داخل الماد
أما الحكم مبلوص و امدَهَنْ سيور = من دون شك ، وذمته ما لها أبعاد
بالمختصر طلعت خاسر و مقهور = وأشكي على الإعلام لكنّ بلا اسناد
رفعت راسي للسما شفتها تدور = قلت أشتكي للنجم بهموماً اِجداد
أشكي بعاد اللي علا نايف الكور = الصاحب اللي من عريبين الأجداد
الصاحب اللي لو رحا وقتنا تدور = تلقاه وافي بكل حزه و ميعاد
يا طير زُر حيا على العز مخبور = سلّم عليه و عطْه علمي على حياد
عدنان أبو زايد ولا فيه مقصور = تاجاً على روس الخلايق و الأشهاد
قلّه ترى صاحبك صابنّه الحور = واليوم ما يهناه شرباً ولا زاد
صحيح لكنّ أغلب الظن مسحور = لا فاد به شيخاً ولا الطب به فاد
رماه ابو جادل على المتن منثور = ابو شفاهٍ كنّها جمر وقاد
غروٍ به الزين يتباهى و مغرور = والحسن توجّبه على عرش الأسياد
وان جيت أبأوجزبه كما بهرة النور = ما ظنّ أحد يشبهْهْ في أمة الضاد
يا طير عجّل قلب مرسلْك ماسور = ما له سوى عدنان عزوه و مسناد
عجّل باِفاداته ، وعطنا وش يشور = وكيف الأسير بْسِجْنِه يفك الأقياد