الكحيلة=
البعد ياناس وش طبه=نرضا بحكم المحبيني
قلبي معه صار يلعبه=فدوه لعقب السلاطيني
وانامعه طحت في غبه=موجً على موج غاطيني
غصنً حريري تنشبه=يامن يفكه ويجزيني
قابل البشري=
اقول للي فقد حبه =ونادى بصوت الموديني
لاتنثر الدمع وتصبّه = دوّر لودك عناويني
وارسل مراسيل ومنبه =للوصل يامعاني البيني
وان ما يرد الوصل كبه= مالك ومال المقفيني
الكحيلة=
حلفت منساه ماسبه=ياكيف ابنسا نظر عيني
طب الغلا فاشلً طبه=لاتنصحون المعنيني
قدامي الناس تشربه=وردو على الموت راضيني
يا قابل القلب من طبه=يامر عليه ونهيني