عويض بادي الحربي=
سلام ياصحابنا الغاليـن=في شوفكم طابت السمره
واللي يحب القصيد الزين=يلعب معي لعبة الكسـره
العبيدي=
ترحيب عالي .. وللعآلين=والقآف متكآمل بعطـره
يآصآحبي .. ابدع البيتين=وانآ معك بنهي النشـره
عويض بادي الحربي=
يامرحبا بك هلا واهليـن=عدد حصى حرة الفقـره
خلك معي نمسك السيدين=ونصارع الموج في بحره
العبيدي=
تبقون يآهل الوفآء فالعين=منزآلكم عآلي(ن) قـدره
انآ معك .. خط في خطين=فالبحر ولا علـى بـره
عوض بادي الحربي=
يهمز ويلمز قـوي العيـن=ويستدلخ الناس في غـدره
والناس تدري عن المسكين=ميرالبلا ماعـرف قـدره
العبيدي=
لآبد يوقع بهـآ الثنتيـن=ويبآن لهل العقل شـره
مآشره على جملة الوآطين=على الوفى يالخوي اشره
عويض بادي الحربي=
صدقت لكن ابو وجهين=والله مدانيـه واحقـره
يغث كبدي مع الحاكين=لأني كشفته وبان أمره
العبيدي=
فالوآفيه اتبع الوآفيـن=لاتقص لهل الجهل جره
اللي مشى مشية الغآوين=مصيره يطيح فالحفـره