/
/
/
/
/
/
/
/
/
/
/
/
ياصاحبي ياسعد ياللي تجيب الطيب من الهروج=رجال مثلك صعيب ان المراجل بالرجال تخفاه
رجال في جيش دوله في صميم المعركه ماتموج=من ضمن جيش السعود اللي يخيّب كل جيش ٍ عداه
بعطيك سر ٍ حبسته في وثيقه دخلت بالدروج=لن الشقى بالهوى صاب الهواوي مالقينا دواه
واللي دخل في شبوك الود ياعقال ماله خروج=الله حسيبه على شخص ٍ يحرك مهجته فالصلاه
لو تطلع في حشاي تشوف هم ٍ وسط صدري يهوج=مثل البحر لاطفى بارض ٍ سكن فيها عتول الطغاه
لي صاحب ٍ بالهوى لوهو هواني مرتبك وامحروج=من رمش عينه سهوم الود صابت قلبي اللي سباه
كل مااطلبه شوفته قام يتفنن باتخاذ الحجوج=ومن بعد مدّه وصلني منه عذر يقول سبة جفاه
من دونه اعصابة ٍ فيهم جلافه من جلافة زنوج=لوهم دروا بالمحبه يدفنونه دون لحظر عزاه
يعني غلبه الامر يوم الليالي جات عكس ٍ وعوج=ياصاحبي ياسعد ليتك تفيد المبتلي في بلاه
وان كان عندك خبر ولا ثقافه في علوم البروج=هل حالة البرج للانسان تثر في مسير الحياه
الشاعر / خالد بن عبيد بن معتوق ألأحمدي