اليكم هذه المتواضعة
التي اتمنى ان تنال اعجابكم
.
.
.
.
.
.
.
ودي اضمك هم واحيــــابك افــــــراح=وابكيك دمعة واحتويها واراضـيك
وأرسمك بهـداب الغلا تــاج ووشــاح=واسهرك بغيابك واضمك ونجايك
واحـيا معـك لـيلك تعاليل ومـــــــزاح=واموت حبة تـــوت من بين أشافـيك
واترك فضا غـيري لغـيري ومـرتــاح=وابيع غيرك فيك يازين واشـــريك
اجــهدت نفسـي لك عـلشان ترتــــاح=وطلعت من جو التعــــاسه لاسليك
واليوم جيتك ضيق واحزان واجــراح=مكسور مثلك قبل اشيلك واداويــك
جيتك جسد يلـبس سكاكـين ورمـاح=وذبحتني بسكات من قبل احاكيك
اجــيك موقن ينتظر وقــــت الاصـباح=وتردني غربة عيونك لماضـــــيك
بين اتــــهام وبين تعذيـب وجـــــــراح=وبين الفــراق وبين تقبيل اياديـــك
الحــــــب راح وبيـرق افراقــــــنا لاح=من يوم بعت الحب بتفه مبـــــاديك
جرح المشاعر فوق تــــعذيب الارواح=وجرحي مع الايـــام ذنبه بيـــــاديك
خليت قصـر الحــــب يوم الغـــلا طاح=ما به سوا ورده على اربــع شبابـيك
ولاخذت غير جــــروح الايام ياصاح=وتركتلك صوتك ورسمك وطــاريك
ولاتـــــسالين الليــــل وين الغـــلا راح=لاني مهـــــــاجر جو حبك واراضيك
ابـتركك يابحـر في وجــــه الامــــلاح=وابترك الشـــــــاطي وابترك موانيك
ابــتبع الطير المهــــــاجر بلا جــــناح=وابقطع حدود الفضــاء لاجل ما جيك
وابسكن جـــروحي واخلـــــيك مرتاح=وابحرق كــــــــتابك وشوه معــــانيك
وابكتبك قصه علـــى درب الاشــــباح=صفحاتها تشــــــهد خيانــــــة مباديك
وسلامة الجميع
ودمتم بخير