بعض المواقف كذا والاكذا صعبــه = تثيرني ما اقدر افهمها ولا اهضمها
يثيرني رجــــــــل دائم نافخ ذربـــه = كــــــــل الكبارات جمعها وقسمّـــها
واليا وقف فــ(اللوازم) ماعرف دربه= حقوق ربعه لعدوانه يســــــــلمّـــــها
واللي مع اخوه دائم ف(كله ) وشربه = واهل اللوازم ما تزعل من لوازمها
وفي حفلة القوم كيف إنـــــــه تنكربه= روح وخـــــــلاه للي طالت اكممــها
قالو له انت هناك العلم تشهـــــــربه = مع عليّة القــــــــوم لاجلنا نكرّمــــها
والاخر اللي هروج الكذب تذكْــربه = ودّك على صابره تركــــــا مواسمها
ناس رفعها وماشي شيء تشكر بــه= وناس بكذبه عدو الديــن يظلـــــمهــا
وابا النمائم ترى ما احد يبا قربـــــه= نقال للهرج والفتنـــــــــه ينظــــــمها
عن دار الاجواد جعله ينّقل سربه = حتى لا تاثق به الناس يتغاشمـــــــها
واللي غنوج تسنـــــــدبه وتحْدرْبه = مسيطرة فـ(الامور)وصعب يحكمها
ومع ربعه الاقربين مقومه حربه = وتحاول تحطمه وهــــــــو يحشمــها
والله ماله عذر حتى يتعذر بـــه = الرجل بالعقل اموره زين يحســــمها
اصبحت كني مني بالدار بالغربه = من كثر ماشفت أمور الرب يعلمهــا